[1] Ēadiġ bið se wer þe ne gǣð on ġeþeaht unrihtwīsra, ne on þām weġe ne stent synfulra, ne on heora wōlbærendum setle ne sitt; [2] ac his willa bið on Godes ǣ, and ymb his ǣ hē bið smēaġende dæġes and nihtes. [3] Him bið swā þām trēowe þe bið āplantod nēah wætera rynum, þæt selð his wæstmas tō rihtre tīde, and his lēaf and his bladu ne fealwiað ne ne sēariað; eall him cymð tō gōde þæt þæt hē dēð. [4] Ac þā unrihtwīsan ne bēoð nā swelċe, ne him ēac swā ne limpð; ac hīe bēoð dūste ġelīcran, þonne hit wind tōblǣwð. [5] Þȳ ne ārīsað þā unrihtwīsan on dōmes dæġ, ne þā synfullan ne bēoð on ġeþeahte þǣra rihtwīsena; [6] for þām God wāt hwelċne weġ þā rihtwīsan ġeearnedon, ac þā unrihtwīsan cumað tō wītum.